«Ինտերնետ հանրություն» ՀԿ-ն «.հայ» եւ «.am» դոմենները կառավարող կազմակերպությունն է։
ԻՀ ՀԿ-ն վարում է ազգային դոմենների ռեգիստրը՝ «.հայ» եւ «.am» տիրույթների տվյալների շտեմարանը՝ ICANN կազմակերպության հետ կնքված պայմանագրի հիման վրա:
Դոմենային անունների գրանցումը ԻՀ ՀԿ-ն իրականացնում է հավատարմագրված ռեգիստրար կազմակերպությունների միջոցով:
«Ինտերնետ հանրության» հասարակական կազմակերպության գործունեությունը միտված է Հայաստանում ինտերնետի զարգացմանը, մեդիագրագիտության բարձրացմանը, ինտերնետում հայատառ բովանդակության հարստացմանը եւ այլն։
ԻՀ ՀԿ-ն հանդիսանում է ՀՀ Ինտերնետ կառավարման համաժողով միջգերատեսչական խմբի քարտուղարությունը։
«Ինտերնետ հանրություն» հասարակական կազմակերպությունը համագործակցում է ՀՀ Բարձր տեխնոլոգիական արդյունաբերության նախարարության հետ՝ փոխըմբռնման հուշագրի շրջանակում:
