Հարգելի՛ հայրենակիցներ,
Ազգային դոմենը՝ .am-ն այսօր տոնում է իր 30-րդ տարեդարձը։
Այս հոբելյանը խորհրդանշում է մեր երկրի կայուն ներկայությունը թվային աշխարհում եւ համացանցում։ Հայաստանն այսօր ճանաչելի է համաշխարհային ինտերնետ քարտեզում՝ երկրի կոդ հանդիսացող .am դոմենով։
Այն դարձել է մշտապես արդիականացվող ինտերնետ ենթակառուցվածքի մաս եւ շնորհիվ «Ինտերնետ հանրություն» ՀԿ-ի շուրջ համախմբված նվիրյալ մասնագետների՝ համաքայլ է տեխնոլոգիական առաջընթացին։ Արդեն տարիներ .am-ը համացանցում մեր ազգային կապիտալի կարևոր բաղադրիչներից մեկն է, որի կայուն աճն ապահովելու մեր ջանքերը չեն դադարում։
Սիրով շնորհավորում ենք բոլորիս այս նշանակալի իրադարձության՝ .am-ի 30-րդ տարեդարձի առիթով, մաղթում բարօրություն բոլորիս եւ ստեղծարար գաղափարների իրականացում՝ ի նպաստ երկրի զորացման։
«Ինտերնետ հանրություն» հասարակական կազմակերպություն
