Համընդհանուր ընդունման (Universal Acceptance՝ UA) գործընթացում Հայաստանի ջանքերն են քննարկվել «Ինտերնետ հանրություն» ՀԿ-ի անդամների ու Դոմենային անունների և IP հասցեների գրանցման ինտերնետ կորպորացիայի (ICANN) ռազմավարական նախաձեռնությունների փոխնախագահ Էլիզա Ակոպյանի հանդիպմանը։
Հայաստանում օրերս մասնավոր այցով գտնվող Ակոպյանը գործընկերների հետ հանդիպմանը նշել է, որ բազմալեզու ինտերնետի ներդրման առումով մեր երկիրը գտնվում է բնականոն զարգացման փուլում և համաքայլ է միջազգային ընթացքին։
ԻՀ ՀԿ արտաքին կապերի մենեջեր Կատարինա Գևորգյանը, ընդգծելով ICANN-ի հետ լայն համագործակության կարևորությունը, տեղեկացրել է. «11 տարի առաջ սկսեցինք հայատառ .հայ դոմենի ստեղծման գործընթացը՝ հասկանալով դրա ռազմավարական կարևորութունը։ Այդկերպ նպաստում ենք հայոց այբուբենը և Հայաստանը պետք է համաշխարհային լեզուների համապատկերում ներկայացնելուն»։
Կազմակերպությունն այսօր շարունակում է դոմենային անվան զարգացման և դրա կիրառման հնարավորություններն ընդլայնելու ջանքերը։ Գեւորյանի խոսքով, ԻՀ ՀԿ-ն, միանալով Համընդհանուր ընդունման միջազգային օրվան, կազմակերպում է թեմատիկ համաժողով և այլ ձևաչափի միջոցառումներ։
Էլիզա Ակոպյանը ICANN-ում Հայաստանի ներկայացվածությունը և կորպորացիայի աշխատանքներին մասնակցությունը գնահատել է ակտիվ և արդյունավետ։
