Խելացի սարքավորումներ՝ «Իրերի համացանց» դասընթացում

«Իրերի համացանց» սարքավորումների կիրառման եւ նախագծման անվճար երկամսյա դասընթացը նախատեսված է 14-18 տարեկանների համար։

Այն խելացի սարքավորումներ ստեղծելու եւ դրանք կենցաղում կիրառելու գործնական գիտելիք ստանալու հնարավորություն է։ «Իրերի համացանցում» բանախոսները կպարզաբանեն՝

• ինչպես նախագծել խելացի սարքավորումներ Arduino սալիկի միջոցով,
• ինչպես միանալ ամպային սերվերներին եւ կարգավորել դրանք,
• ինչպես կառավարել խելացի սարքավորումները համացանցի միջոցով։

Դասընթացը մեկնարկել է Երեւանում, կանցկացվի նաեւ Հրազդանում Գյումրիում, Վանաձորում եւ Գորիսում։

Դասընթացը կազմակերպել է ՅՈՒՆԻՍԵՖ-ը՝ «Ինտերնետ հասարակության Հայաստան հատված» եւ «Smart City» ՀԿ-ների հետ միասին։